Bat karani mujhe mushkil kabhi aisi to na thi May 22, 2008

Bat karani mujhe mushkil kabhi aisi to na thi
Jaisi ab hai teri mahafil kabhi aisi to na thi

Le gaya chin ke kaun aj tera sabr-o-qarar
Beqarari tujhe ai dil kabhi aisi to na thi

Chashm-e-qatil meri dushman thi hamesha lekin
Jaise ab ho gai qatil kabhi aisi to na thi

Un ki ankhon ne khuda jane kiya kya jadu
Ke tabiyat meri mail kabhi aisi to na thi

Aks-e-rukh-e-yar ne kis se hai tujhe chamakaya
Tab tujh mein mah-e-kamil kabhi aisi to na thi

Kya sabab tu jo bigarata hai “zafar” se har bar
Khu teri hur-e-shamail kabhi aisi to na thi

kaun kehta hai mohabbat ki zubaan hoti hai May 22, 2008

kaun kehta hai mohabbat ki zubaan hoti hai..
yeh hakeekat to nigahon se bayaan hoti hai

woh na aaye to satati hai khalish si dil ko..
wo jo aaye to khalish aur jawan hoti hai

rooh ko shaad karey dil ko jo purnoor kare..
her nazare me ye tanveer kaha hoti hai

sabt-e-sehlaabay mohabbat ko kaha tak roke..
dil me jo baat ho aankhon se bayaan hoti hai

zindagi ek sulagti si chita hai sahir..
shola banti hai na ye bujhke dhuwaa hoti hai

kaun kehta hai mohabbat ki zubaan hoti hai..
yeh hakeekat to nigahon se bayaan hoti hai

Dasht-e-shab par dikhayee kya dengi – silavatein roshni mein ubhrengi May 22, 2008

Dasht-e-shab par dikhayee kya dengi
silavatein roshni mein ubhrengi

ghar ki deewarein mere jaane par
apni tanhaaiyo’n ko sochengi

ungaliyo’n ko taraash doo’n phir bhi
aadatan uss ka naam lik’khengi

rang-o-bu se kahee’n panaah nahi
khwaahishein bhi kahaan amaa’n dengi

ek khushbu se bach bhi jaau’n agar
doosri nikhatein jakad lengi

khidakiyo’n par dabeez parde ho’n
baarishein phir bhi dastakein dengi.

Dil ka kya hai wo to chaahega musalsal milna May 22, 2008

Dil ka kya hai wo to chaahega musalsal milna
wo sitamgar bhi magar soche kisi pal milna

vaa’n nahi’n waqt to hum bhi hain adeem-ul-fursat
uss se kya kahiye jo har roz kahe kal milna

ishq ki raah ke musaafir ka muqaddar maalum
dasht-e-ummeed mein andeshe ka baadal milna

daaman-e-shab ko agar chaak bhi kar lein to kahaan
noor mein dooba hua subah ka aanchal milna.

Zukham muskaratay hain ab bhi teri aahat par May 22, 2008

“Zukham muskaratay hain ab bhi teri aahat par
dard bhool jatay hain ab bhi tairi aahat par”

“Shubnami sitaroo main phool khilnay lagtay hain
chand muskaratay hain ab bhi tairi aahat par”

“Umer kaat di liken buchpana nahi jata hain
hum diyay jalatay hain ab bhi tairi aahat par”

“Ghunteiya si bujti hain ruqs honay lagta hain
dard jugmagatay hain ab bhi tairi aahat par”

“Tairi yaad aaein tou neend jati rehti hain
khawab toot jatay hain ab bhi tairi aahat par”

“Jo situm karay tou sub qubool hain dil ko
hum khushi munatay hain ab bhi tairi aahat par”

“Ab bhi tairi aahat par chand muskarata hain
khawab gugnatay hain ab bhi tairi aahat par”

“Tairay hijjar main hum par ek azab tari hain
chonk chonk jatay hain ab bhi tairi aahat par”

“Dastakeen sajanay kay manzar nahi rahtay
rastay sajatay hain ab bhi tairi aahat par”

“Ab bhi tairi aahat par aas lout aati hain
hum diyay jalatay hain ab bhi tairi aahat par”

vo mujhe chhoD gayaa shaam se pahale pahale September 25, 2007

Saaqiyaa ik nazar jaam se pahale pahale
ham ko jaanaa hai kahii.n shaam se pahale pahale

Khush huaa ai dil ke muhabbat to nibhaa dii tuune
log uja.D jaate hai.n anjaam se pahale pahale

ab tere zikr pe ham baat badal dete hai.n
kitanii raGabat thii tere naam se pahale pahale

saamane umr parrhii hai shab-e-tanhaa_ii kii
vo mujhe chhoD gayaa shaam se pahale pahale

mohobbatain jab shumaar karna to saazishain bhi shumaar karna September 25, 2007

mohobbatain jab shumaar karna to saazishain bhi shumaar karna
jo meray hissay main aayee hain wo azyatain bhi shumaar karna

jalaye rakhongi subah tak main tumharay raston pe apni aankhain
agar kahin zabt toot jaye to baarishain bhi shumaar karna

jo harf loh e wafa pe likhay huay hain unko bhi daikh lena
jo raayegaan hogai hain wo ibaaratain bhi shumaar karna

ye sardiyon ka udas mausam k darkanain sard hogai hain
jab inki yukh bastagi parakhna tamaazatain bhi shumaar karna

tum apni mujbooriyon kay qissay zaroor likhna wazahaton say
jo meri aankhon main jal bujhi hain wo khwahishain bhi shumaar karna

AATI HA ZINDAGI ME QIAMAT KABHI KABHI September 25, 2007

TAKLEEF-E-HIJAR DEE GAYI RAHAT KABHI KABHI
BADLA HA YU BHI RANG-E-MUHABAT KABHI KABHI

DIL NEE TERI JAFA KO SAHARAA SAMAJH LIA
GUZRI HA YU BHI HUM PA MUSIBAT KABHI KABHI

DUNIA SAMAJH NA LE TEREE GHAM KI NAZAKATEN
KARTA HON ZER-E-LAB JO SHIKAYAT KABHI KABHI

HAA JIS TARAF NIGAHA TAWAJO UDHER NAHI
HOTI HA BERUKHI BHI ANAYAT KABHI KABHI

AAYI SHAB-E-FIRAQ TO GHABRA GAYE SHAJAR
AATI HA ZINDAGI ME QIAMAT KABHI KABHI

meri kashtiyaan hain jali hueen teray saahilon say zara paray September 11, 2007

k chand tanha khila raha meray aasman say zara paray
meray sath sath safar mein tha meri manziloon say zara paray
teri justuju k hisaar say teray khuwab teray khayal say
main woh shakhs tha jo khara raha teri chahaton say zara paray
kabhi dil ki baat kahi na thi jo kahi tou woh bhi dabi dabi
meray lafz pooray tou thay magar thay samaa’aton say zara paray
tu chala gaya meray hamsafar zara dekh mur k tou ik nazar
meri kashtiyaan hain jali hueen teray saahilon say zara paray

suntay hain k is zehr main lazzat bhi buhot hay September 11, 2007

shikway bhi hazaron hain shikayat bhi buhot hay
is dil ko magar us say muhabbat bhi buhot hay
aajata hay milnay woh tasawwur main sar-e-shaam
ik shuks ki itni si inayat bhi buhot hay
yeh bhi hay tamanna k usay dil se bhula dain
is dil ko magar uski zaroorat bhi buhot hay
dekhain to zara pee k hum yeh zehr-e-mohabbat
suntay hain k is zehr main lazzat bhi buhot hay