Woh ghazal ki sachi kitaab hai,usay chup k chup k parha karo May 11, 2007

Younhi besabab na phera karo,koi sham ghar bhi raha karo,
Woh ghazal ki sachi kitaab hai,usay chup k chup k parha karo,

Koi haath bhi na milayeyga,jo galay milo gay tapak say,
Yeh naye mizaj ka shahar hai,yahan faslay say mila karo,

Abhi rah main kaye mor hain,koi aye ga koi jaye ga,
Tumhay jis nay dil say bhula diay,usay bholnay ki dua karo,

Mujay ishtihaar c lagti hain,yeh muhabbatooon ki khanaiyan,
Jo kaha nahi woh suna karo,jo suna nahin woh kaha karo,

YEh khizaan ki zard c shaal main,jo udass ped k pass hai,
Yeh tumharay ghar ki bahar hai,isay anso’on say hara karo.

woh gumaan gumaan sa qayas sa May 11, 2007

woh gumaan gumaan sa qayas sa

kabhi door sa kabhi paas sa

kabhi chandni main chupa hua

kabi khushbuoon main basa hua

 

kabhi sirf us ki shabahatain

kabhi sirf us ki hikayatain

kabhi sirf milnay k silsilay

kabhi sirf us say hin faaslay

 

kabhi door chalti hawaoon main

kabhi meenh barasti ghataoon main

kabhi bad-gumaan kabhi meherbaan

kabhi dhoop hai kabhi saayebaan

 

kabhi band dil ki kitaab main

kabhi lab kushaan woh khwab main

kabhi youn k jaisay sawal ho

kabhi youn k jaisay khayal ho

 

kabhi dekhnay k hain silsilay

kabhi sochnay k hain marhalay

kabhi sirf rang-e-bahar sa

kabhi sirf ik ghubaar sa

 

kabhi dastaras k qareeb qareeb

kabhi door paas kahin nahi

yeh jo ukhrra ukhrra sa shakhs hai

yeh jo bikhra bikhra sa shakhs hai…

Basabab haath hilanay ki zarorat kiya hai May 11, 2007

gair ko dard sunanay ki zarorat kiya hai
Apnay jhagray main zamanay ki zarorat kiya hai
Tum mita sakat nahi mera naam dil se kabhi
Phir kitaboo se mitanay ki zarorat kiya hai
Jab dil se dil mil na pain tu ankh bacha kar chal do
Basabab haath hilanay ki zarorat kiya hai

har ek phuul ke lab pe meraa lahuu rakh de May 11, 2007

udaas kaagazii mausam mein rang-o-buu rakh de
har ek phuul ke lab pe meraa lahuu rakh de

zabaan-e-gul se chattaanein taraashane vaale
sukuut-e-naqsh mein aaraa_ish-e-namuu rakh de

giraan lage hai jo ehasaan dast-e-qaatil kaa
uth aur teg ke lab pe rag-e-guluu rakh de

chalaa hai jaanib-e-maikhaanaa aaj phir vaa_iz
kahiin na jaam pe lab apane be-vazuu rakh de

Khudaa kare mera munsif sazaa sunaane mein
meraa hi sar mere qaatil ke ruu-ba-ruu rakh de

samandaron ne bulaayaa hai tujh ko ai ‘Bekal’
tuu apani pyaas ki sahraa mein aabaruu rakh de

zindagii jab bhii terii bazm me.n laatii hai hamein May 11, 2007

zindagii jab bhii terii bazm me.n laatii hai hamein
ye zamiin chaaNd se behatar nazar aatii hai hamein

surKh phuulon se mahak uThatii hain dil kii raahein
din Dhale yuuN terii aavaaz bulaatii hai hamein

yaad terii kabhii dastak kabhii saragoshii se
raat ke pichhale pahar roz jagaatii hai hamein

har mulaaqaat kaa anjaam judaa_ii kyuuN hai
ab to har vaqt yahii baat sataatii hai hamen

tuu paas bhii ho to dil beqaraar apanaa hai May 11, 2007

tuu paas bhii ho to dil beqaraar apanaa hai
ke ham ko teraa nahii.n intazaar apanaa hai

mile ko_ii bhii teraa zikr chhe.D dete hai.n
ke jaise saaraa jahaa.N raaz_daar apanaa hai

vo duur ho to bajaa tark-e-dostii kaa Khayaal
vo saamane ho to kab iKhtiyaar apanaa hai

zamaane bhar ke dukho.n ko lagaa liyaa dil se
is aasare pe ke ik Gam_gusaar apanaa hai

“Faraz” raahat-e-jaa.N bhii vahii hai kyaa kiije
vo jis ke haath se siinaa_fiGaar apanaa hai …!!

Manzilain bhi uski thi Rasta bhi uska tha May 11, 2007

Manzilain bhi uski thi,Rasta bhi uska tha.
Ek main akeli thi,Kafila bhi uska tha..
Sath-Sath chalne ki soch bhi uska tha,
Phir raasta badalne ka faisla bhi uska tha…
Aaj kyun akeli hoon,Dil sawal karta hai,
Log to uske the,Kya KHUDA bhi uska tha….?

dyaar e ghair me mahram agar nahi koi May 11, 2007

dyaar e ghair me mahram agar nahi koi
to faiz zikre e watan apne ru baru hi sahi